POP 5

Lajmet më të lexuara të 5 minutave të fundit

Ekonomi

Në 2 muaj, bizneset dhe qytetarët morën 516 mln euro kredi, u dha 166 mln € më shumë se vjet

Muajt e parë të 2024 kanë rritur kërkesat e qytetarëve dhe bizneseve për të marrë kredi. Në janar dhe shkurt sipas Bankës së Shqipërisë janë dhënë mbi 516 milion euro kredi nga bankat e nivelit të dytë. Por janë ulur kursimet e qytetarëve  

Më shumë se 516 milionë euro kredi është marrë pranë bankave të nivelit të dytë nga bizneset dhe qytetarët vetëm në dy muajit e parë të këtij viti. Referuar të dhënave të Bankës së Shqipërisë kredia e dhënë në janar dhe shkurt ishte afro 166 milionë euro më e lartë se në të njëjtën periudhë të vitit të kaluar.

Në këto muaj të parë të vitit vlera më e madhe e kredisë ka shkuar për sektorin i tregtisë me shumicë dhe pakicë, riparimin e automjeteve, ndjekur nga ndërtimi, energjia elektrike, industria përpunuese dhe aktiviteti i pasurive të paluajtshme.

Kërkesa për kredi pritet të rritet edhe më tej sipas analizave të Bankës së Shqipërisë, e përqendruar kryesisht tek nevoja e bizneseve për të bërë investime, ndërsa tek qytetarët shtysë është kredia hipotekore, për të blerë banesë.

Teksa borxhet e bizneseve dhe qytetarëve po rriten përsa kohë po rritet kredia e marrë, nga ana tjetër në shkurt u tkurrën me afro 53 milionë euro kursimet e tyre në raport me janarin e këtij viti.

Në fund muajit janar, depozitat përllogariteshin në 12.9 miliardë euro, ndërsa në fund të muajit shkurt totali i tyre ra në 12.8 miliardë euro. Në muajin e kaluar krahasuar me janarin janë ulur me 38.3 milionë euro kursimet në valutë, si dhe u regjistruan 14.5 milionë euro më pak depozita në lekë.

Prej muajsh tashmë po vërehet tendenca e qytetarëve dhe bizneseve për ti rritur depozitat në Lekë, kjo edhe për shkak të zhvlerësimit të fortë të valutave prej 1 viti.

KREDIA E RE PËR EKONOMINË

Janar-Shkurt 2023         350,661,410 euro

Janar-Shkurt 2024         516,613,049 euro

Rritja                           +165,951,639 euro

TOTALI I DEPOZITAVE

Janar 2024           12,942,091,374 euro

Shkurt 2024         12,889,168,747 euro

Rënia                        -52,922,627 euro

DEPOZITAT NË VALUTË

Janar 2024       7,129,226,766 euro

Shkurt 2024    7,090,897,063 euro

Rënia                  -38,329,703 euro

DEPOZIAT NË LEKË

Janar 2024       5,812,864,608 euro

Shkurt 2024     5,798,271,684 euro

Rënia                  -14,592,924 euro

B.K/N.Xh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Meta nuk përmbahet para Konventës: Hajde hipim tek hekuri dhe bëjmë intervistë! Edhe Partinë Komuniste të Kinës e mundim

Meta nuk përmbahet para Konventës: Hajde hipim tek hekuri dhe bëjmë intervistë! Edhe Partinë Komuniste të Kinës e mundim

27 Prill, 10:42